تمہارے جشن کو جشن فروزاں ہم نہیں کہتے

تمہارے جشن کو جشن فروزاں ہم نہیں کہتے

لہو کی گرم بوندوں کو چراغاں ہم نہیں کہتے

اگر حد سے گزر جائے دوا تو بن نہیں جاتا

کسی بھی درد کو دنیا کا درماں ہم نہیں کہتے

نظر کی انتہا کوئی نہ دل کی انتہا کوئی

کسی بھی حسن کو حسن فراواں ہم نہیں کہتے

کسی عاشق کے شانے پر بکھر جائے تو کیا کہنا

مگر اس زلف کو زلف پریشاں ہم نہیں کہتے

نہ بوئے گل مہکتی ہے نہ شاخ گل لچکتی ہے

ابھی اپنے گلستاں کو گلستاں ہم نہیں کہتے

بہاروں سے جنوں کو ہر طرح نسبت سہی لیکن

شگفت گل کو عاشق کا گریباں ہم نہیں کہتے

ہزاروں سال بیتے ہیں ہزاروں سال بیتیں گے

بدل جائے گی کل تقدیر انساں ہم نہیں کہتے

tumhare jashn ko jashn-e-farozan ham nahin kahte

lahu ki garm bundon ko charaghan ham nahin kahte

agar had se guzar jae dawa to ban nahin jata

kisi bhi dard ko duniya ka darman ham nahin kahte

nazar ki intiha koi na dil ki intiha koi

kisi bhi husn ko husn-e-farawan ham nahin kahte

kisi ashiq ke shane par bikhar jae to kya kahna

magar is zulf ko zulf-e-pareshan ham nahin kahte

na bu-e-gul mahakti hai na shakh-e-gul lachakti hai

abhi apne gulistan ko gulistan ham nahin kahte

baharon se junun ko har tarah nisbat sahi lekin

shagfat-e-gul ko ashiq ka gareban ham nahin kahte

hazaron sal bite hain hazaron sal baitenge

badal jaegi kal taqdir-e-insan ham nahin kahte