تمام عمر عذابوں کا سلسلہ تو رہا

تمام عمر عذابوں کا سلسلہ تو رہا

یہ کم نہیں ہمیں جینے کا حوصلہ تو رہا

گزر ہی آئے کسی طرح تیرے دیوانے

قدم قدم پہ کوئی سخت مرحلہ تو رہا

چلو نہ عشق ہی جیتا نہ عقل ہار سکی

تمام وقت مزے کا مقابلہ تو رہا

میں تیری ذات میں گم ہو سکا نہ تو مجھ میں

بہت قریب تھے ہم پھر بھی فاصلہ تو رہا

یہ اور بات کہ ہر چھیڑ لاابالی تھی

تری نظر کا دلوں سے معاملہ تو رہا

tamam umr azabon ka silsila to raha

ye kam nahin hamen jine ka hausla to raha

guzar hi ae kisi tarah tere diwane

qadam qadam pe koi sakht marhala to raha

chalo na ishq hi jita na aql har saki

tamam waqt maze ka muqabla to raha

main teri zat mein gum ho saka na to mujh mein

bahut qarib the ham phir bhi fasla to raha

ye aur bat ke har chher laubali thi

tiri nazar ka dilon se muamla to raha