صبح کے درد کو راتوں کی جلن کو بھولیں

صبح کے درد کو راتوں کی جلن کو بھولیں

کس کے گھر جائیں کہ اس وعدہ شکن کو بھولیں

آج تک چوٹ دبائے نہیں دبتی دل کی

کس طرح اس صنم سنگ بدن کو بھولیں

اب سوا اس کے مداوائے غم دل کیا ہے

اتنی پی جائیں کہ ہر رنج و محن کو بھولیں

اور تہذیب غم عشق نبھا دیں کچھ دن

آخری وقت میں کیا اپنے چلن کو بھولیں

subh ke dard ko raton ki jalan ko bhulen

kis ke ghar jaen ke is waada shikan ko bhulen

aj tak chot dabae nahin dabti dil ki

kis tarah us sanam sang badan ko bhulen

ab siwa us ke mudawa-e-gham-e-dil kya hai

itni pi jaen ke har ranj-o-mehan ko bhulen

aur tahzib-e-gham-e-ishq nibha den kuchh din

akhiri waqt mein kya apne chalan ko bhulen