مجھے معلوم ہے میں ساری دنیا کی امانت ہوں

مجھے معلوم ہے میں ساری دنیا کی امانت ہوں

مگر وہ لمحہ جب میں صرف اپنا ہو سا جاتا ہوں

میں تم سے دور رہتا ہوں تو میرے ساتھ رہتی ہو

تمہارے پاس آتا ہوں تو تنہا ہو سا جاتا ہوں

میں چاہے سچ ہی بولوں ہر طرح سے اپنے بارے میں

مگر تم مسکراتی ہو تو جھوٹا ہو سا جاتا ہوں

ترے گل رنگ ہونٹوں سے دہکتی زندگی پی کر

میں پیاسا اور پیاسا اور پیاسا ہو سا جاتا ہوں

تجھے بانہوں میں بھر لینے کی خواہش یوں ابھرتی ہے

کہ میں اپنی نظر میں آپ رسوا ہو سا جاتا ہوں

mujhe maalum hai main sari duniya ki amanat hun

magar wo lamha jab main sirf apna ho sa jata hun

main tum se dur rahta hun to mere sath rahti ho

tumhare pas ata hun to tanha ho sa jata hun

main chahe sach hi bolun har tarah se apne bare mein

magar tum muskurati ho to jhuta ho sa jata hun

tire gul rang honton se dahakti zindagi pi kar

main pyasa aur pyasa aur pyasa ho sa jata hun

tujhe banhon mein bhar lene ki khwahish yun ubharti hai

ke main apni nazar mein ap ruswa ho sa jata hun