مدت ہوئی اس جان حیا نے ہم سے یہ اقرار کیا

مدت ہوئی اس جان حیا نے ہم سے یہ اقرار کیا

جتنے بھی بد نام ہوئے ہم اتنا اس نے پیار کیا

پہلے بھی خوش چشموں میں ہم چوکنا سے رہتے تھے

تیری سوئی آنکھوں نے تو اور ہمیں ہوشیار کیا

جاتے جاتے کوئی ہم سے اچھے رہنا کہہ تو گیا

پوچھے لیکن پوچھنے والے کس نے یہ بیمار کیا

قطرہ قطرہ صرف ہوا ہے عشق میں اپنے دل کا لہو

شکل دکھائی تب اس نے جب آنکھوں کو خوں بار کیا

ہم پر کتنی بار پڑے یہ دورے بھی تنہائی کے

جو بھی ہم سے ملنے آیا ملنے سے انکار کیا

عشق میں کیا نقصان نفع ہے ہم کو کیا سمجھاتے ہو

ہم نے ساری عمر ہی یارو دل کا کاروبار کیا

محفل پر جب نیند سی چھائی سب کے سب خاموش ہوئے

ہم نے تب کچھ شعر سنایا لوگوں کو بے دار کیا

اب تم سوچو اب تم جانو جو چاہو اب رنگ بھرو

ہم نے تو اک نقشہ کھینچا اک خاکہ تیار کیا

دیش سے جب پردیش سدھارے ہم پر یہ بھی وقت پڑا

نظمیں چھوڑی غزلیں چھوڑی گیتوں کا بیوپار کیا

muddat hui us jan-e-haya ne ham se ye iqrar kya

jitne bhi bad nam hue ham itna us ne pyar kiya

pahle bhi khush chashmon mein ham chaukana se rahte the

teri soi ankhon ne to aur hamen hoshyar kya

jate jate koi ham se achchhe rahna kah to gaya

puchhe lekin puchhne wale kis ne ye bimar kiya

qatra qatra sirf hua hai ishq main apne dil ka lahu

shakl dikhai tab us ne jab ankhon ko khun bar kiya

ham par kitni bar pare ye daure bhi tanhai ke

jo bhi ham se milne aya milne se inkar kya

ishq mein kya nuqsan nafa hai ham ko kya samjhate ho

ham ne sari umr hi yaro dil ka karobar kiya

mahfil par jab nind si chhai sab ke sab khamosh hue

ham ne tab kuchh sher sunaya logon ko be dar kiya

ab tum socho ab tum jano jo chaho ab rang bharo

ham ne to ik naqsha khincha ik khaka tayyar kiya

desh se jab piradesh sidhare ham par ye bhi waqt para

nazmen chhori ghazlen chhori giton ka byopar kya