لاکھ آوارہ سہی شہروں کے فٹ پاتھوں پہ ہم

لاکھ آوارہ سہی شہروں کے فٹ پاتھوں پہ ہم

لاش یہ کس کی لیے پھرتے ہیں ان ہاتھوں پہ ہم

اب انہیں باتوں کو سنتے ہیں تو آتی ہے ہنسی

بے طرح ایمان لے آئے تھے جن باتوں پہ ہم

کوئی بھی موسم ہو دل کی آگ کم ہوتی نہیں

مفت کا الزام رکھ دیتے برساتوں پہ ہم

زلف سے چھنتی ہوئی اس کے بدن کی تابشیں

ہنس دیا کرتے تھے اکثر چاندنی راتوں پہ ہم

اب انہیں پہچانتے بھی شرم آتی ہے ہمیں

فخر کرتے تھے کبھی جن کی ملاقاتوں پہ ہم

lakh awara sahi shahron ke fit pathon pe ham

lash ye kis ki liye phirte hain in hathon pe ham

ab unhen baton ko sunte hain to ati hai hansi

be tarah iman le ae the jin baton pe ham

koi bhi mausam ho dil ki ag kam hoti nahin

muft ka ilzam rakh dete barsaton pe ham

zulf se chhanti hui us ke badan ki tabishen

hans diya karte the aksar chandni raton pe ham

ab unhen pahchante bhi sharm ati hai hamen

fakhr karte the kabhi jin ki mulaqaton pe ham