جب لگیں زخم تو قاتل کو دعا دی جائے

جب لگیں زخم تو قاتل کو دعا دی جائے

ہے یہی رسم تو یہ رسم اٹھا دی جائے

دل کا وہ حال ہوا ہے غم دوراں کے تلے

جیسے اک لاش چٹانوں میں دبا دی جائے

انہیں گل رنگ دریچوں سے سحر جھانکے گی

کیوں نہ کھلتے ہوئے زخموں کو دعا دی جائے

کم نہیں نشے میں جاڑے کی گلابی راتیں

اور اگر تیری جوانی بھی ملا دی جائے

ہم سے پوچھو کہ غزل کیا ہے غزل کا فن کیا

چند لفظوں میں کوئی آگ چھپا دی جائے

jab lagen zakhm to qatil ko dua di jae

hai yahi rasm to ye rasm utha di jae

dil ka wo hal hua hai gham-e-dauran ke tale

jaise ik lash chatanon mein daba di jae

unhen gul rang darichon se sahar jhankegi

kyun na khulte hue zakhmon ko dua di jae

kam nahin nashe mein jare ki gulabi raten

aur agar teri jawani bhi mila di jae

ham se puchho ke ghazal kya hai ghazal ka fan kya

chand lafzon mein koi ag chhupa di jae