چشم میگوں ذرا ادھر کر دے

چشم میگوں ذرا ادھر کر دے

دست قدرت کو بے اثر کر دے

تیز ہے آج درد دل ساقی

تلخی مے کو تیز تر کر دے

جوش وحشت ہے تشنہ کام ابھی

چاک دامن کو تا جگر کر دے

میری قسمت سے کھیلنے والے

مجھ کو قسمت سے بے خبر کر دے

لٹ رہی ہے مری متاع نیاز

کاش وہ اس طرف نظر کر دے

فیضؔ تکمیل آرزو معلوم

ہو سکے تو یوں ہی بسر کر دے

chashm-e-megun zara idhar kar de

dast-e-qudrat ko be asar kar de

tez hai aj dard-e-dil saqi

talkhi-e-mai ko tez tar kar de

josh-e-wahshat hai tishna kam abhi

chak-e-daman ko ta jigar kar de

meri qismat se khelne wale

mujh ko qismat se be khabar kar de

lut rahi hai miri mata-e-niyaz

kash wo is taraf nazar kar de

faiz-e-takmil-e-arzu maalum

ho sake to yun hi basar kar de