شراب شوق سیں سرشار ہیں ہم

شراب شوق سیں سرشار ہیں ہم

کبھو بے خود کبھو ہشیار ہیں ہم

دو رنگی سوں تری اے سرو رعنا

کبھو راضی کبھو بیزار ہیں ہم

ترے تسخیر کرنے میں سریجن

کبھی ناداں کبھی عیار ہیں ہم

صنم تیرے نین کی آرزو میں

کبھو سالم کبھی بیمار ہیں ہم

ولیؔ وصل و جدائی سوں سجن کی

کبھو صحرا کبھو گل زار ہیں ہم

sharab-e-shauq sin sarshar hain ham

kabhu be khud kabhu hushyar hain ham

do rangi sun tiri ai sarw raana

kabhu razi kabhu bezar hain ham

tire taskhir karne mein sirijin

kabhi nadan kabhi ayyar hain ham

sanam tere nain ki arzu mein

kabhu salim kabhi bimar hain ham

wali wasl-o-judai sun sajan ki

kabhu sahra kabhu gul zar hain ham