روح بخشی ہے کام تجھ لب کا

روح بخشی ہے کام تجھ لب کا

دم عیسیٰ ہے نام تجھ لب کا

حسن کے خضر نے کیا لبریز

آب حیواں سوں جام تجھ لب کا

منطق و حکمت و معانی پر

مشتمل ہے کلام تجھ لب کا

جنت حسن میں کیا حق نے

حوض کوثر مقام تجھ لب کا

رگ یاقوت کے قلم سوں لکھیں

خط پرستاں پیام تجھ لب کا

سبزہ و برگ و لالہ رکھتے ہیں

شوق دل میں دوام تجھ لب کا

غرق شکر ہوئے ہیں کام و زباں

جب لیا ہوں میں نام تجھ لب کا

مثل یاقوت خط میں ہے شاگرد

ساغر مے مدام تجھ لب کا

ہے ولیؔ کی زباں کو لذت بخش

ذکر ہر صبح و شام تجھ لب کا

ruh bakhshi hai kam tujh lab ka

dam-e-isa hai nam tujh lab ka

husn ke khizr ne kiya labrez

ab-e-haiwan sun jam tujh lab ka

mantiq-o-hikmat-o-maani par

mushtamil hai kalam tujh lab ka

jannat-e-husn mein kiya haq ne

hauz-e-kausar maqam tujh lab ka

rag-e-yaqut ke qalam sun likhen

khat paristan payam tujh lab ka

sabza-o-barg-o-lala rakhte hain

shauq-e-dil mein dawam tujh lab ka

gharq-e-shukr hue hain kam-o-zaban

jab liya hun main nam tujh lab ka

misl-e-yaqut khat mein hai shagird

saghar-e-mai mudam tujh lab ka

hai wali ki zaban ko lazzat-e-bakhsh

zikr har subh-o-sham tujh lab ka