فدائے دلبر رنگیں ادا ہوں

فدائے دلبر رنگیں ادا ہوں

شہید شاہد گل گوں قبا ہوں

ہر اک مہ رو کے ملنے کا نہیں ذوق

سخن کے آشنا کا آشنا ہوں

کیا ہوں ترک نرگس کا تماشا

طلب گار نگاہ با‌ حیا ہوں

نہ کر شمشاد کی تعریف مجھ پاس

کہ میں اس سرو قد کا مبتلا ہوں

کیا میں عرض اس خورشید رو سوں

تو شاہ حسن میں تیرا گدا ہوں

سدا رکھتا ہوں شوق اس کے سخن کا

ہمیشہ تشنۂ آب بقا ہوں

قدم پر اس کے رکھتا ہوں سدا سر

ولیؔ ہم مشرب رنگ حنا ہوں

fida-e-dilbar rangin ada hun

shahid-e-shahid-e-gul gun qaba hun

har ik mah ru ke milne ka nahin zauq

sukhan ke ashna ka ashna hun

kiya hun tark-e-nargis ka tamasha

talab gar-e-nigah-e-ba haya hun

na kar shamshad ki taarif mujh pas

ke main is sarw qad ka mubtala hun

kiya main arz is khurshid ru sun

tu shah-e-husn mein tera gada hun

sada rakhta hun shauq us ke sukhan ka

hamesha tishna-e-ab-e-baqa hun

qadam par us ke rakhta hun sada sar

wali ham mashrab-e-rang-e-hina hun