فن جو نادار تک نہیں پہنچا

فن جو نادار تک نہیں پہنچا

ابھی معیار تک نہیں پہنچا

اس نے بر وقت بے رخی برتی

شوق آزار تک نہیں پہنچا

عکس مے ہو کہ جلوۂ گل ہو

رنگ رخسار تک نہیں پہنچا

حرف انکار سر بلند رہا

ضعف اقرار تک نہیں پہنچا

حکم سرکار کی پہنچ مت پوچھ

اہل سرکار تک نہیں پہنچا

عدل گاہیں تو دور کی شے ہیں

قتل اخبار تک نہیں پہنچا

انقلابات دہر کی بنیاد

حق جو حق دار تک نہیں پہنچا

وہ مسیحا نفس نہیں جس کا

سلسلہ دار تک نہیں پہنچا

fan jo nadar tak nahin pahuncha

abhi meyar tak nahin pahuncha

us ne bar waqt-e-be rukhi biriti

shauq azar tak nahin pahuncha

aks-e-mai ho ke jalwa-e-gul ho

rang-e-rukhsar tak nahin pahuncha

harf-e-inkar sar buland raha

zof iqrar tak nahin pahuncha

hukm sarkar ki pahunch mat puchh

ahl-e-sarkar tak nahin pahuncha

adl gahen to dur ki shai hain

qatl akhbar tak nahin pahuncha

inqilabat dahr ki buniyad

haq jo haq dar tak nahin pahuncha

wo masiha nafas nahin jis ka

silsila dar tak nahin pahuncha