قدموں میں بھی تکان تھی گھر بھی قریب تھا

قدموں میں بھی تکان تھی گھر بھی قریب تھا

پر کیا کریں کہ اب کے سفر ہی عجیب تھا

نکلے اگر تو چاند دریچے میں رک بھی جائے

اس شہر بے چراغ میں کس کا نصیب تھا

آندھی نے ان رتوں کو بھی بے کار کر دیا

جن کا کبھی ہما سا پرندہ نصیب تھا

کچھ اپنے آپ سے ہی اسے کشمکش نہ تھی

مجھ میں بھی کوئی شخص اسی کا رقیب تھا

پوچھا کسی نے مول تو حیران رہ گیا

اپنی نگاہ میں کوئی کتنا غریب تھا

مقتل سے آنے والی ہوا کو بھی کب ملا

ایسا کوئی دریچہ کہ جو بے صلیب تھا

qadmon mein bhi takan thi ghar bhi qarib tha

par kya karen ke ab ke safar hi ajib tha

nikle agar to chand dariche mein ruk bhi jae

is shahr-e-be charagh mein kis ka nasib tha

andhi ne in ruton ko bhi be kar kar diya

jin ka kabhi huma sa parinda nasib tha

kuchh apne ap se hi use kashmakash na thi

mujh mein bhi koi shakhs usi ka raqib tha

puchha kisi ne mol to hairan rah gaya

apni nigah mein koi kitna gharib tha

maqtal se ane wali hawa ko bhi kab mila

aisa koi daricha ke jo be salib tha