گواہی کیسے ٹوٹتی معاملہ خدا کا تھا

گواہی کیسے ٹوٹتی معاملہ خدا کا تھا

مرا اور اس کا رابطہ تو ہاتھ اور دعا کا تھا

گلاب قیمت شگفت شام تک چکا سکے

ادا وہ دھوپ کو ہوا جو قرض بھی صبا کا تھا

بکھر گیا ہے پھول تو ہمیں سے پوچھ گچھ ہوئی

حساب باغباں سے ہے کیا دھرا ہوا کا تھا

لہو چشیدہ ہاتھ اس نے چوم کر دکھا دیا

جزا وہاں ملی جہاں کہ مرحلہ سزا کا تھا

جو بارشوں سے قبل اپنا رزق گھر میں بھر چکا

وہ شہر مور سے نہ تھا پہ دوربیں بلا کا تھا

gawahi kaise tutti muamla khuda ka tha

mira aur us ka rabta to hath aur dua ka tha

gulab qimat shagfat sham tak chuka sake

ada wo dhup ko hua jo qarz bhi saba ka tha

bikhar gaya hai phul to hamen se puchh gachh hui

hisab-e-baghban se hai kiya dhara hawa ka tha

lahu chashida hath us ne chum kar dikha diya

jaza wahan mili jahan ke marhala saza ka tha

jo barishon se qabl apna rizq ghar mein bhar chuka

wo shahr mor se na tha pe durbin bala ka tha