میں اپنے اختیار میں ہوں بھی نہیں بھی ہوں

میں اپنے اختیار میں ہوں بھی نہیں بھی ہوں

دنیا کے کاروبار میں ہوں بھی نہیں بھی ہوں

تیری ہی جستجو میں لگا ہے کبھی کبھی

میں تیرے انتظار میں ہوں بھی نہیں بھی ہوں

فہرست مرنے والوں کی قاتل کے پاس ہے

میں اپنے ہی مزار میں ہوں بھی نہیں بھی ہوں

اوروں کے ساتھ ایسا کوئی مسئلہ نہیں

اک میں ہی اس دیار میں ہوں بھی نہیں بھی ہوں

مجھ سے ہی ہے ہر ایک سیاست کا اعتبار

پھر بھی کسی شمار میں ہوں بھی نہیں بھی ہوں

main apne ikhtiyar mein hun bhi nahin bhi hun

duniya ke karobar mein hun bhi nahin bhi hun

teri hi justuju mein laga hai kabhi kabhi

main tere intizar mein hun bhi nahin bhi hun

fehrist marne walon ki qatil ke pas hai

main apne hi mazar mein hun bhi nahin bhi hun

auron ke sath aisa koi masala nahin

ik main hi is dayar mein hun bhi nahin bhi hun

mujh se hi hai har ek siyasat ka etibar

phir bhi kisi shumar mein hun bhi nahin bhi hun