آئے گا کوئی چل کے خزاں سے بہار میں

آئے گا کوئی چل کے خزاں سے بہار میں

صدیاں گزر گئی ہیں اسی انتظار میں

چھڑتے ہی ساز بزم میں کوئی نہ تھا کہیں

وہ کون تھا جو بول رہا تھا ستار میں

یہ اور بات ہے کوئی مہکے کوئی چبھے

گلشن تو جتنا گل میں ہے اتنا ہے خار میں

اپنی طرح سے دنیا بدلنے کے واسطے

میرا ہی ایک گھر ہے مرے اختیار میں

تشنہ لبی نے ریت کو دریا بنا دیا

پانی کہاں تھا ورنہ کسی ریگ زار میں

مصروف گورکن کو بھی شاید پتہ نہیں

وہ خود کھڑا ہوا ہے قضا کی قطار میں

aega koi chal ke khizan se bahar mein

sadiyan guzar gai hain isi intizar mein

chhirte hi saz-e-bazm mein koi na tha kahin

wo kaun tha jo bol raha tha sitar mein

ye aur bat hai koi mahke koi chubhe

gulshan to jitna gul mein hai itna hai khar mein

apni tarah se duniya badalne ke waste

mera hi ek ghar hai mire ikhtiyar mein

tishna labi ne ret ko dariya bana diya

pani kahan tha warna kisi reg zar mein

masruf gorkan ko bhi shayad pata nahin

wo khud khara hua hai qaza ki qatar mein