کیا کہیں کس سے پیار کر بیٹھے

کیا کہیں کس سے پیار کر بیٹھے

اپنے دل کو فگار کر بیٹھے

صبر کی اک قبا جو باقی تھی

اس کو بھی تار تار کر بیٹھے

آج پھر ان کی آمد آمد ہے

ہم خزاں کو بہار کر بیٹھے

وائے اس بت کا وعدۂ فردا

عمر بھر انتظار کر بیٹھے

خود جو غم ہیں تو آئنہ حیراں

کس غضب کا سنگھار کر بیٹھے

ہم تہی دست تجھ کو کیا دیتے

جان تجھ پر نثار کر بیٹھے

kya kahen kis se pyar kar baithe

apne dil ko figar kar baithe

sabr ki ik qaba jo baqi thi

us ko bhi tar tar kar baithe

aj phir un ki amad amad hai

ham khizan ko bahar kar baithe

wae us but ka waada-e-farda

umr bhar intizar kar baithe

khud jo gham hain to aina hairan

kis ghazab ka singhar kar baithe

ham tahi dast tujh ko kya dete

jan tujh par nisar kar baithe