ملنے کی طرح مجھ سے وہ پل بھر نہیں ملتا

ملنے کی طرح مجھ سے وہ پل بھر نہیں ملتا

دل اس سے ملا جس سے مقدر نہیں ملتا

یہ راہ تمنا ہے یہاں دیکھ کے چلنا

اس راہ میں سر ملتے ہیں پتھر نہیں ملتا

ہم رنگیٔ موسم کے طلب گار نہ ہوتے

سایہ بھی تو قامت کے برابر نہیں ملتا

کہنے کو غم ہجر بڑا دشمن جاں ہے

پر دوست بھی اس دوست سے بہتر نہیں ملتا

کچھ روز نصیرؔ آؤ چلو گھر میں رہا جائے

لوگوں کو یہ شکوہ ہے کہ گھر پر نہیں ملتا

milne ki tarah mujh se wo pal bhar nahin milta

dil us se mila jis se muqaddar nahin milta

ye rah-e-tamanna hai yahan dekh ke chalna

is rah mein sar milte hain patthar nahin milta

ham rangi-e-mausam ke talab gar na hote

saya bhi to qamat ke barabar nahin milta

kahne ko gham-e-hijr bara dushman jan hai

par dost bhi is dost se behtar nahin milta

kuchh roz nasir ao chalo ghar mein raha jae

logon ko ye shikwa hai ke ghar par nahin milta