وہ دلاور جو سیہ شب کے شکاری نکلے

وہ دلاور جو سیہ شب کے شکاری نکلے

وہ بھی چڑھتے ہوئے سورج کے پجاری نکلے

سب کے ہونٹوں پہ مرے بعد ہیں باتیں میری

میرے دشمن مرے لفظوں کے بھکاری نکلے

اک جنازہ اٹھا مقتل میں عجب شان کے ساتھ

جیسے سج کر کسی فاتح کی سواری نکلے

ہم کو ہر دور کی گردش نے سلامی دی ہے

ہم وہ پتھر ہیں جو ہر دور میں بھاری نکلے

عکس کوئی ہو خد و خال تمہارے دیکھوں

بزم کوئی ہو مگر بات تمہاری نکلے

اپنے دشمن سے میں بے وجہ خفا تھا محسنؔ

میرے قاتل تو مرے اپنے حواری نکلے

wo dilawar jo siyah shab ke shikari nikle

wo bhi charhte hue suraj ke pujari nikle

sab ke honton pe mire baad hain baten meri

mere dushman mire lafzon ke bhikari nikle

ik janaza utha maqtal mein ajab shan ke sath

jaise saj kar kisi fateh ki sawari nikle

ham ko har daur ki gardish ne salami di hai

ham wo patthar hain jo har daur mein bhari nikle

aks koi ho khad-o-khal tumhare dekhun

bazm koi ho magar bat tumhari nikle

apne dushman se main be wajh khafa tha mohsin

mere qatil to mire apne hawari nikle