سانسوں کے اس ہنر کو نہ آساں خیال کر

سانسوں کے اس ہنر کو نہ آساں خیال کر

زندہ ہوں ساعتوں کو میں صدیوں میں ڈھال کر

مالی نے آج کتنی دعائیں وصول کیں

کچھ پھول اک فقیر کی جھولی میں ڈال کر

کل یوم ہجر زرد زمانوں کا یوم ہے

شب بھر نہ جاگ مفت میں آنکھیں نہ لال کر

اے گرد باد لوٹ کے آنا ہے پھر مجھے

رکھنا مرے سفر کی اذیت سنبھال کر

محراب میں دیے کی طرح زندگی گزار

منہ زور آندھیوں میں نہ خود کو نڈھال کر

شاید کسی نے بخل زمیں پر کیا ہے طنز

گہرے سمندروں سے جزیرے نکال کر

یہ نقد جاں کہ اس کا لٹانا تو سہل ہے

گر بن پڑے تو اس سے بھی مشکل سوال کر

محسنؔ برہنہ سر چلی آئی ہے شام غم

غربت نہ دیکھ اس پہ ستاروں کی شال کر

sanson ke is hunar ko na asan khayal kar

zinda hun saaton ko main sadiyon mein dhal kar

mali ne aj kitni duaen wusul kin

kuchh phul ik faqir ki jholi mein dal kar

kal yaum-e-hijr zard zamanon ka yaum hai

shab bhar na jag muft mein ankhen na lal kar

ai gard-e-bad laut ke ana hai phir mujhe

rakhna mire safar ki aziyyat sambhal kar

mehrab mein diye ki tarah zindagi guzar

munh zor andhiyon mein na khud ko nidhal kar

shayad kisi ne bukhl zamin par kiya hai tanz

gahre samundaron se jazire nikal kar

ye naqd-e-jan ke us ka lutana to sahl hai

gar ban pare to us se bhi mushkil sawal kar

mohsin barahna sar chali ai hai sham-e-gham

ghurbat na dekh us pe sitaron ki shal kar