میں چپ رہا کہ زہر یہی مجھ کو راس تھا

میں چپ رہا کہ زہر یہی مجھ کو راس تھا

وہ سنگ لفظ پھینک کے کتنا اداس تھا

اکثر مری قبا پہ ہنسی آ گئی جسے

کل مل گیا تو وہ بھی دریدہ لباس تھا

میں ڈھونڈھتا تھا دور خلاؤں میں ایک جسم

چہروں کا اک ہجوم مرے آس پاس تھا

تم خوش تھے پتھروں کو خدا جان کے مگر

مجھ کو یقین ہے وہ تمہارا قیاس تھا

بخشا ہے جس نے روح کو زخموں کا پیرہن

محسنؔ وہ شخص کتنا طبیعت شناس تھا

main chup raha ke zahr yahi mujh ko ras tha

wo sang lafz phenk ke kitna udas tha

aksar miri qaba pe hansi a gai jise

kal mil gaya to wo bhi darida libas tha

main dhundhta tha dur khalaon mein ek jism

chehron ka ik hujum mire as pas tha

tum khush the pattharon ko khuda jan ke magar

mujh ko yaqin hai wo tumhara qayas tha

bakhsha hai jis ne ruh ko zakhmon ka pairahan

mohsin wo shakhs kitna tabiat shanas tha