جان ایام‌ دلبری ہے یاد

جان ایام‌ دلبری ہے یاد

سیر‌ گل زار و مے خوری ہے یاد

دیکھتا نہیں سورج کوں نظراں بھر

جس کوں تجھ جامۂ‌ زری ہے یاد

خوب پھولی تھی باغ میں نرگس

گل صد برگ و جعفری ہے یاد

وہ چراغاں و چاندنی کی رات

سیر ہت پھول‌ و پھلجھڑی ہے یاد

وہ تماشا و کھیل ہولی کا

سب کے تن رخت کیسری ہے یاد

ہو دوانا جنگل میں کیوں نہ پھرے

جس کو وہ سایۂ پری ہے یاد

اے سیہ مست میری انکھیوں کی

لال بادل کی تجھ جھری ہے یاد

جب تمن پاس فائزؔ آیا تھا

بات کہنا بی سرسری ہے یاد

jan-e-ayyam-e-dilbari hai yad

sair-e-gul zar-o-mai khuri hai yad

dekhta nahin suraj kun nazaran bhar

jis kun tujh jama-e-zari hai yad

khub phuli thi bagh mein nargis

gul-e-sad barg-o-jaafari hai yad

wo charaghan-o-chandni ki rat

sair hat phul-o-phuljhari hai yad

wo tamasha-o-khel holi ka

sab ke tan rakht-e-kesri hai yad

ho dawana jangal mein kyun na phire

jis ko wo saya-e-pari hai yad

ai siyah mast meri ankhiyon ki

lal badal ki tujh jhari hai yad

jab tuman pas faiz aya tha

bat kahna bi sarsari hai yad