گل زار میں یہ کہتی ہے بلبل گل تر سے

گل زار میں یہ کہتی ہے بلبل گل تر سے

دیکھے کوئی معشوق کو عاشق کی نظر سے

لو اور سنو کہتے ہیں وہ ہم سے بگڑ کر

دیکھو ہمیں دیکھو نہ محبت کی نظر سے

وہ اٹھی وہ آئی وہ گھٹا چھا گئی ساقی

مے خانے پہ اللہ کرے ٹوٹ کے برسے

مے خانہ پہ گھنگھور گھٹا چھائی ہے بیکار

کھلنا ہو تو کھل جائے برسنا ہو تو برسے

کیا عشق ہے کیا شوق ہے کیا رشک ہے کیا لاگ

دل جلوہ گاہ ناز میں آگے ہے نظر سے

اس خوف سے مل لیتے ہیں وہ نوحؔ سے اکثر

طوفاں نہ اٹھائے کہیں یہ دیدۂ تر سے

gul zar mein ye kahti hai bulbul gul-e-tar se

dekhe koi maashuq ko ashiq ki nazar se

lo aur suno kahte hain wo ham se bigar kar

dekho hamen dekho na mohabbat ki nazar se

wo uthi wo ai wo ghata chha gai saqi

mai khane pe allah kare tut ke barse

mai khana pe ghanghor ghata chhai hai bekar

khulna ho to khul jae barasna ho to barse

kya ishq hai kya shauq hai kya rashk hai kya lag

dil jalwa gah-e-naz mein age hai nazar se

is khauf se mil lete hain wo nuh se aksar

tufan na uthae kahin ye dida-e-tar se