گل زار ہے داغوں سے یہاں تن بدن اپنا

گل زار ہے داغوں سے یہاں تن بدن اپنا

کچھ خوف خزاں کا نہیں رکھتا چمن اپنا

اشکوں کے تسلسل نے چھپایا تن عریاں

یہ آب رواں کا ہے نیا پیرہن اپنا

کس طرح بنے ایسے سے انصاف تو ہے شرط

یہ وضع مری دیکھو وہ دیکھو چلن اپنا

انکار نہیں آپ کے گھر چلنے سے مجھ کو

میں چلنے کو موجود جو چھوڑو چلن اپنا

مسکن کا پتہ خانہ بدوشوں سے نہ پوچھو

جس جا پہ کہ بس گر رہے وہ ہے وطن اپنا

gul zar hai daghon se yahan tan badan apna

kuchh khauf-e-khizan ka nahin rakhta chaman apna

ashkon ke tasalsul ne chhupaya tan uryan

ye ab-e-rawan ka hai naya pairahan apna

kis tarah bane aise se insaf to hai shart

ye waza miri dekho wo dekho chalan apna

inkar nahin ap ke ghar chalne se mujh ko

main chalne ko maujud jo chhoro chalan apna

maskan ka pata khana badoshon se na puchho

jis ja pe ke bas gir rahe wo hai watan apna