گل ہوا یہ کس کی ہستی کا چراغ

گل ہوا یہ کس کی ہستی کا چراغ

مدعی کے گھر جلا گھی کا چراغ

خیر سے رہتا ہے روشن نام نیک

حشر تک جلتا ہے نیکی کا چراغ

وہ حقیقت ہے دل افسردہ کی

ٹمٹمائے جیسے سردی کا چراغ

ہم سے روشن ہے تمہاری بزم یوں

ناگوارا جیسے گرمی کا چراغ

ہو قناعت تجھ کو تو بس ہے ظہیرؔ

خانہ آرائی کو دمڑی کا چراغ

gul hua ye kis ki hasti ka charagh

muddai ke ghar jala ghi ka charagh

khair se rahta hai raushan nam nek

hashr tak jalta hai neki ka charagh

wo haqiqat hai dil-e-afsurda ki

timtimae jaise sardi ka charagh

ham se raushan hai tumhari bazm yun

nagawara jaise garmi ka charagh

ho qanaat tujh ko to bas hai zahir

khana arai ko damri ka charagh