گل رخوں نے کئے ہیں سیر کا ٹھاٹ

گل رخوں نے کئے ہیں سیر کا ٹھاٹ

گلشن آباد کا بھرا ہے ہاٹ

تیغ ابرو سیں میں شہید ہوا

اس سروہی کا کیا بلا ہے کاٹ

دل میں آ راہ چشم حیراں سیں

کھل رہے ہیں مری پلک کے پاٹ

زہر ہیں اس کوں نعمت الوان

لذت عشق کی جسے ہے چاٹ

نہیں اثر تیر آہ کوں اس میں

دل سنگیں ترا ہے لوہا لاٹ

پنجۂ عشق کے شکنجہ سیں

میں ہوا شش جہت میں بارہ باٹ

اے سراجؔ اشک کے چراغوں کوں

نئے مژگاں سیں ہم نے باندھے ٹھاٹ

gul rukhon ne kiye hain sair ka that

gulshan abad ka bhara hai hat

tegh-e-abru sin mein shahid hua

is sarwahi ka kya bala hai kat

dil mein a rah-e-chashm-e-hairan sin

khul rahe hain miri palak ke pat

zahr hain is kun nemat-e-alwan

lazzat-e-ishq ki jise hai chat

nahin asar tir ah kun is mein

dil-e-sangin tira hai loha lat

panja-e-ishq ke shikanja sin

main hua shash jihat mein bara bat

ai siraj ashk ke charaghon kun

nae mizhgan sin ham ne bandhe that