جادۂ رہ خور کو وقت شام ہے تار شعاع

جادۂ رہ خور کو وقت شام ہے تار شعاع

چرخ وا کرتا ہے ماہ نو سے آغوش وداع

شمع سے ہے بزم انگشت تحیر در دہن

شعلۂ آواز خوباں پر بہ ہنگام سماع

جوں پر طاؤس جوہر تختہ مشق رنگ ہے

بسکہ ہے وہ قبلۂ آئینہ محو اختراع

رنجش حیرت سرشتاں سینہ صافی پیشکش

جوہر آئینہ ہے یاں گرد میدان نزاع

چار سوئے دہر میں بازار غفلت گرم ہے

عقل کے نقصاں سے اٹھتا ہے خیال انتفاع

آشنا غالبؔ نہیں ہیں درد دل کے آشنا

ورنہ کس کو میرے افسانے کی تاب استماع

jada-e-rah khur ko waqt-e-sham hai tar-e-shua

charkh wa karta hai mah-e-nau se aghosh-e-wida

shama se hai bazm-e-angishat-e-tahayyur dar dahan

shola-e-awaz-e-khuban par ba hangam-e-sama

jun par-e-taus jauhar takhta-e-mashq-e-rang hai

baske hai wo qibla-e-aina mahw-e-ikhtira

ranjish-e-hairat sarishtan sina safi peshkash

jauhar-e-aina hai yan gard-e-maidan-e-niza

char su-e-dahr mein bazar-e-ghaflat garm hai

aql ke nuqsan se uthta hai khayal-e-intifa

ashna ghalib nahin hain dard-e-dil ke ashna

warna kis ko mere afsane ki tab-e-istima