گر ہم نے دل صنم کو دیا پھر کسی کو کیا

گر ہم نے دل صنم کو دیا پھر کسی کو کیا

اسلام چھوڑ کفر لیا پھر کسی کو کیا

کیا جانے کس کے غم میں ہیں آنکھیں ہماری لال

اے ہم نے گو نشہ بھی پیا پھر کسی کو کیا

آپھی کیا ہے اپنے گریباں کو ہم نے چاک

آپھی سیا سیا نہ سیا پھر کسی کو کیا

اس بے وفا نے ہم کو اگر اپنے عشق میں

رسوا کیا خراب کیا پھر کسی کو کیا

دنیا میں آ کے ہم سے برا یا بھلا نظیرؔ

جو کچھ کہ ہو سکا سو کیا پھر کسی کو کیا

gar ham ne dil sanam ko diya phir kisi ko kya

islam chhor kufr liya phir kisi ko kya

kya jane kis ke gham mein hain ankhen hamari lal

ai ham ne go nasha bhi piya phir kisi ko kya

aphi kya hai apne gareban ko ham ne chak

aphi siya siya na siya phir kisi ko kya

us be wafa ne ham ko agar apne ishq mein

ruswa kiya kharab kiya phir kisi ko kya

duniya mein a ke ham se bura ya bhala nazir

jo kuchh ke ho saka so kiya phir kisi ko kya