گرمی کا موسم

مئی کا آن پہنچا ہے مہینہ

بہا چوٹی سے ایڑی تک پسینا

بجے بارہ تو سورج سر پہ آیا

ہوا پیروں تلے پوشیدہ سایا

چلی لو اور تڑاقے کی پڑی دھوپ

لپٹ ہے آگ کی گویا کڑی دھوپ

زمیں ہے یا کوئی جلتا توا ہے

کوئی شعلہ ہے یا پچھوا ہوا ہے

در و دیوار ہیں گرمی سے تپتے

بنی آدم ہیں مچھلی سے تڑپتے

پرندے اڑ کے ہیں پانی پہ گرتے

چرندے بھی ہیں گھبرائے سے پھرتے

درندے چھپ گئے ہیں جھاڑیوں میں

مگر ڈوبے پڑے ہیں کھاڑیوں میں

نہ پوچھو کچھ غریبوں کے مکاں کی

زمیں کا فرش ہے چھت آسماں کی

نہ پنکھا ہے نہ ٹٹی ہے نہ کمرہ

ذرا سی جھونپڑی محنت کا ثمرہ

امیروں کو مبارک ہو حویلی

غریبوں کا بھی ہے اللہ بیلی

mai ka an pahuncha hai mahina

baha choti se eri tak pasina

baje bara to suraj sar pe aya

hawa pairon tale poshida saya

chali lo aur taraqe ki pari dhup

lipat hai ag ki goya kari dhup

zamin hai ya koi jalta tawa hai

koi shola hai ya pachhwa hua hai

dar-o-diwar hain garmi se tapte

bani adam hain machhli se tarapte

parinde ur ke hain pani pe girte

charinde bhi hain ghabrae se phirte

darinde chhup gae hain jhariyon mein

magar dube pare hain khariyon mein

na puchho kuchh gharibon ke makan ki

zamin ka farsh hai chhat asman ki

na pankha hai na tuti hai na kamra

zara si jhonpari mehnat ka samara

amiron ko mubarak ho haweli

gharibon ka bhi hai allah beli