گرم ہو جاتا ہے جب محکوم قوموں کا لہُو

گرم ہو جاتا ہے جب محکوم قوموں کا لہُو

تھرتھراتا ہے جہانِ چار سوُے و رنگ و بو

پاک ہوتا ہے ظن و تخمیں سے انساں کا ضمیر

کرتا ہے ہر راہ کو روشن چراغِ آرزو

وہ پُرانے چاک جن کو عقل سی سکتی نہیں

عشق سِیتا ہے اُنھیں بے سوزن و تارِ رَفو

ضربتِ پیہم سے ہو جاتا ہے آخر پاش پاش

حاکمیّت کا بُتِ سنگیں دل و آئینہ رُو

garm ho jata hai jab mahkum qaumon ka lahu

thartharata hai jahan-e-char siwe-o-rang-o-bu

pak hota hai zan-o-takhmin se insan ka zamir

karta hai har rah ko raushan charagh-e-arzu

wo purane chak jin ko aql si sakti nahin

ishq sita hai unhen be sozan-o-tar-e-rafu

zarbat-e-paiham se ho jata hai akhir pash pash

hakimiyyt ka but-e-sangin dil-o-aina ru