کیے سجدے ہوئے کافر نہ کچھ دل میں ذرا سمجھے

کیے سجدے ہوئے کافر نہ کچھ دل میں ذرا سمجھے

ہمیں بندہ بنایا اے بتو تم سے خدا سمجھے

کلام نا سزا بھی جو ہوا سرزد سزا سمجھے

وہ گوتم نے کہا بے جا مگر ہم سب بجا سمجھے

نہ دشمن دوست ہوں میں اور نہ بیگانہ یگانہ ہوں

جو وہ سمجھے تو کیا سمجھے تو یہ سمجھے تو کیا سمجھے

کہا میں نے اٹھا دو ہاتھ تم بھی میری مشکل پر

تو بولے ہم سے استدعا دعا کی مدعا سمجھے

حباب آسا کوئی لحظہ ثبات عمر فانی ہے

جو عاقل ہو وفائے زندگانی بے وفا سمجھے

kiye sajde hue kafir na kuchh dil mein zara samjhe

hamen banda banaya ai buto tum se khuda samjhe

kalam na saza bhi jo hua sarzad saza samjhe

wo gotam ne kaha be ja magar ham sab baja samjhe

na dushman dost hun main aur na begana yagana hun

jo wo samjhe to kya samjhe to ye samjhe to kya samjhe

kaha main ne utha do hath tum bhi meri mushkil par

tu bole ham se istida dua ki muddaa samjhe

habab asa koi lahza sabat-e-umr-e-fani hai

jo aqil ho wafa-e-zindagani be wafa samjhe