کیوں کسی سے وفا کرے کوئی

کیوں کسی سے وفا کرے کوئی

خود برے ہوں تو کیا کرے کوئی

جان دینے پہ جان دیتا ہوں

ایسے جینے کو کیا کرے کوئی

نامہ بر کی زباں سے ڈرتا ہوں

کچھ نہ پوچھے خدا کرے کوئی

لطف جب آئے شکوہ سنجی کا

ہم کہیں اور سنا کرے کوئی

حاصل مدعائے دل معلوم

کیوں کہیں التجا کرے کوئی

موت کا نام بے وفائی ہے

ہائے کب تک وفا کرے کوئی

kyun kisi se wafa kare koi

khud bure hun to kya kare koi

jan dene pe jan deta hun

aise jine ko kya kare koi

nama bar ki zaban se darta hun

kuchh na puchhe khuda kare koi

lutf jab ae shikwa sanji ka

ham kahin aur suna kare koi

hasil-e-muddaa-e-dil maalum

kyun kahin iltija kare koi

maut ka nam be wafai hai

hae kab tak wafa kare koi