کیوں آپ کو خلوت میں لڑائی کی پڑی ہے
نوح نارویکیوں آپ کو خلوت میں لڑائی کی پڑی ہے
ملنے کی گھڑی ہے کہ یہ لڑنے کی گھڑی ہے
کیا چشم عنایت کا تری مجھ کو بھروسہ
لڑ لڑ کے ملی ہے کبھی مل مل کے لڑی ہے
کیا جانئے کیا حال ہمارا ہو شب ہجر
اللہ ابھی چار پہر رات پڑی ہے
تلوار لیے وہ نہیں مقتل میں کھڑے ہیں
اس وقت مرے آگے مری موت کھڑی ہے
جینے نہیں دیتے ہیں وہ مرنے نہیں دیتے
اے نوحؔ مری جان کشاکش میں پڑی ہے
kyun ap ko khalwat mein larai ki pari hai
milne ki ghari hai ke ye larne ki ghari hai
kya chashm-e-inayat ka tiri mujh ko bharosa
lar lar ke mili hai kabhi mil mil ke lari hai
kya janiye kya hal hamara ho shab-e-hijr
allah abhi char pahar rat pari hai
talwar liye wo nahin maqtal mein khare hain
is waqt mire age miri maut khari hai
jine nahin dete hain wo marne nahin dete
ai nuh miri jan kashakash mein pari hai