کیوں مشت خاک پر کوئی دل داغ دار ہو
شاہ دین ہمایوںکیوں مشت خاک پر کوئی دل داغ دار ہو
مر کر بھی یہ ہوس کہ ہمارا مزار ہو
بڑھ جائے غم کا سلسلہ کہسار کی طرح
طولانی گر یہ زندگئ مستعار ہو
اس صید گاہ میں وہی نکلے گا بچ کے صاف
جو صید سب سے پہلے اجل کا شکار ہو
اس بوالہوس کی موت کے قربان جائیے
جو پھر دوبارہ جینے کا امیدوار ہو
ہستی کا طوق تو ہے قیامت پس وفات
یارب کہیں یہ میرے گلے کا نہ ہار ہو
یکساں ہے اہل دل کے لیے انبساط و غم
باغ جہاں میں آئے خزاں یا بہار ہو
kyun musht-e-khak par koi dil dagh dar ho
mar kar bhi ye hawas ke hamara mazar ho
barh jae gham ka silsila kohsar ki tarah
tulani gar ye zindagi-e-mustaar ho
is said gah mein wahi niklega bach ke saf
jo said sab se pahle ajal ka shikar ho
is bawalhos ki maut ke qurban jaiye
jo phir dobara jine ka umidwar ho
hasti ka tauq to hai qayamat pas wafat
yarab kahin ye mere gale ka na har ho
yaksan hai ahl-e-dil ke liye imbisat-o-gham
bagh-e-jahan mein ae khizan ya bahar ho