کیونکہ دیوانہ بیڑیاں توڑے

کیونکہ دیوانہ بیڑیاں توڑے

اس کو جانے ہے پاؤں کے توڑے

سب نے موڑا ہے منہ خدا نہ کرے

تیری تروار ہم سے منہ موڑے

تیرے کوچے میں سر شہیدوں کے

ہیں پڑے جیسے باٹ کے روڑے

ظرف ٹوٹا تو وصل ہوتا ہے

دل کوئی ٹوٹا کس طرح جوڑے

ایک پرواز میں دکھاؤں پر

جو وہ صیاد میرے تئیں چھوڑے

کوہ کن جاں کنی ہے مشکل کام

ورنہ بہتیرے ہیں پتھر پھوڑے

ہر گھڑی ہم کو آزمانا کیا

چاہنے والے اور ہیں تھوڑے

قتل کرتا ہے تو جو حاتمؔ کو

کون اٹھاوے گا تیرے نکتوڑے

kyunke diwana beriyan tore

us ko jane hai paon ke tore

sab ne mora hai munh khuda na kare

teri tarwar ham se munh more

tere kuche mein sar shahidon ke

hain pare jaise bat ke rore

zarf tuta to wasl hota hai

dil koi tuta kis tarah jore

ek parwaz mein dikhaun par

jo wo sayyad mere tain chhore

koh kin jan kini hai mushkil kam

warna bahutere hain patthar phore

har ghari ham ko azmana kya

chahne wale aur hain thore

qatl karta hai to jo hatim ko

kaun uthawega tere naktore