کیجئے نہ اسیری میں اگر ضبط نفس کو

کیجئے نہ اسیری میں اگر ضبط نفس کو

دے آگ ابھی شعلۂ آواز قفس کو

بہہ جاوے لہو ہو کے دل قافلہ سالار

تعلیم دے نالہ جو مرا بانگ جرس کو

پہنچے ہے نم داغ جگر تا سر مژگاں

شاداب میں رکھتا ہوں سدا آگ سے خس کو

پھرتا ہے ادھر زلف میں شانہ تو ادھر دل

یہ دزد نہ لایا کبھو خاطر میں عسس کو

اے عشق نہ فرہاد بچا تجھ سے نہ پرویز

با خاک برابر تو کیا ناکس و کس کو

لے سکتے نہیں سانس تری کو کے مقید

تا خون جگر بیچ نہ غوطہ دیں نفس کو

ترغیب نہ کر سیر چمن کی ہمیں سوداؔ

ہر چند ہوا خوب ہے واں لیک ہوس کو

kijiye na asiri mein agar zabt-e-nafas ko

de ag abhi shola-e-awaz qafas ko

bah jawe lahu ho ke dil qafila salar

taalim de nala jo mira bang-e-jaras ko

pahunche hai nam dagh-e-jigar ta sar-e-mizhgan

shadab mein rakhta hun sada ag se khas ko

phirta hai idhar zulf mein shana to idhar dil

ye duzd na laya kabhu khatir mein asas ko

ai ishq na farhad bacha tujh se na parwez

ba khak barabar to kiya nakas-o-kis ko

le sakte nahin sans tiri ko ke muqayyad

ta khun-e-jigar bich na ghauta den nafas ko

targhib na kar sair-e-chaman ki hamen sauda

har chand hua khub hai wan lek hawas ko