کیا کہہ گئی کسی کی نظر کچھ نہ پوچھئے

کیا کہہ گئی کسی کی نظر کچھ نہ پوچھئے

کیا کچھ ہوا ہے دل پہ اثر کچھ نہ پوچھئے

وہ دیکھنا کسی کا کنکھیوں سے بار بار

وہ بار بار اس کا اثر کچھ نہ پوچھئے

رو رو کے کس طرح سے کٹی رات کیا کہیں

مر مر کے کیسے کی ہے سحر کچھ نہ پوچھئے

اخترؔ دیار حسن میں پہنچے ہیں مر کے ہم

کیوں کر ہوا ہے طے یہ سفر کچھ نہ پوچھئے

kya kah gai kisi ki nazar kuchh na puchhiye

kya kuchh hua hai dil pe asar kuchh na puchhiye

wo dekhna kisi ka kinkhiyon se bar bar

wo bar bar us ka asar kuchh na puchhiye

ro ro ke kis tarah se kati rat kya kahen

mar mar ke kaise ki hai sahar kuchh na puchhiye

akhtar dayar-e-husn mein pahunche hain mar ke ham

kyun kar hua hai tai ye safar kuchh na puchhiye