کیا وصل کے اقرار پہ مجھ کو ہو خوشی آج

کیا وصل کے اقرار پہ مجھ کو ہو خوشی آج

اس کی بھی یہ صورت ہے کبھی کل ہے کبھی آج

وہ ہاتھ میں تلوار لئے سر پہ کھڑے ہیں

مرنے نہیں دیتی مجھے مرنے کی خوشی آج

ملنا جو نہ ہو تم کو تو کہہ دو نہ ملیں گے

یہ کیا کبھی پرسوں ہے کبھی کل ہے کبھی آج

کیا بات ہے چھپتی ہی نہیں بات ہماری

جو ان سے کہی تھی وہ رقیبوں سے سنی آج

سرخی بھی ہے آنکھوں میں قدم کو بھی ہے لغزش

چھپ کر کہیں اے نوحؔ ضرور اپنے پی آج

kya wasl ke iqrar pe mujh ko ho khushi aj

us ki bhi ye surat hai kabhi kal hai kabhi aj

wo hath mein talwar liye sar pe khare hain

marne nahin deti mujhe marne ki khushi aj

milna jo na ho tum ko to kah do na milenge

ye kya kabhi parson hai kabhi kal hai kabhi aj

kya bat hai chhupti hi nahin bat hamari

jo un se kahi thi wo raqibon se suni aj

surkhi bhi hai ankhon mein qadam ko bhi hai laghzish

chhup kar kahin ai nuh zarur apne pi aj