کیا کرے گا جا کے بیت اللہ تو

کیا کرے گا جا کے بیت اللہ تو

دل ہی سے کر اپنی پیدا راہ تو

ڈوب جا بحر عمیق عشق میں

یوں نہ ہرگز لے سکے گا تھاہ تو

گھر سے نکلے گا وہ اپنی رات کو

مت نکلیے دیکھیو اے ماہ تو

کعبہ ڈھ جاوے تو بن سکتا ہے پھر

دیکھیے دل ہے اسے مت ڈھاہ تو

حال دل تھوڑا سا سن کر بول اٹھا

بس اب اس قصہ کو کر کوتاہ تو

یار کے دل تک اثر کے ساتھ جا

آسماں تک جا نہ جا اے ماہ تو

واجب‌ التعذیر ہے راسخؔ پہ حیف

قدر سے اس کی نہیں آگاہ تو

kya karega ja ke bit allah to

dil hi se kar apni paida rah to

dub ja bahr amiq ishq mein

yun na hargiz le sakega thah to

ghar se niklega wo apni rat ko

mat nikaliye dekhiyo ai mah to

kaaba dha jawe to ban sakta hai phir

dekhiye dil hai use mat dhaa to

hal-e-dil thora sa sun kar bol utha

bas ab is qissa ko kar kotah to

yar ke dil tak asar ke sath ja

asman tak ja na ja ai mah to

wajib altaazir hai rasikh pe haif

qadr se us ki nahin agah to