کیا وہ اب نادم ہیں اپنے جور کی روداد سے

کیا وہ اب نادم ہیں اپنے جور کی روداد سے

لائے ہیں میرٹھ جو آخر مجھ کو فیض آباد سے

سیر گل کو آئی تھی جس دم سواری آپ کی

پھول اٹھا تھا چمن فخر مبارک باد سے

ہر کس و ناکس ہو کیونکر کامگار بے خودی

یہ ہنر سیکھا ہے دل نے اک بڑے استاد سے

اک جہاں مست محبت ہے کہ ہر سو بوئے انس

چھائی ہے ان گیسوؤں کی نکہت برباد سے

اب تلک موجود ہے کچھ کچھ لگا لائے تھے ہم

وہ جو اک لپکا کبھی نہ خاک جہاں آباد سے

دعوی تقوی کا حسرتؔ کس کو آتا ہے یقیں

آپ اور جاتے رہیں پیر مغاں کی یاد سے

kya wo ab nadim hain apne jaur ki rudad se

lae hain merath jo akhir mujh ko faiz abad se

sair-e-gul ko ai thi jis dam sawari ap ki

phul utha tha chaman fakhr mubarak bad se

har kis-o-nakas ho kyunkar kamgar be khudi

ye hunar sikha hai dil ne ik bare ustad se

ik jahan mast-e-mohabbat hai ke har su bu-e-uns

chhai hai un gesuon ki nikhat-e-barbad se

ab talak maujud hai kuchh kuchh laga lae the ham

wo jo ik lapka kabhi na khak jahan abad se

daawa-e-taqwa ka hasrat kis ko ata hai yaqin

ap aur jate rahen pir-e-mughan ki yad se