کیا چرخِ کج رو، کیا مہر، کیا ماہ

کیا چرخِ کج رو، کیا مہر، کیا ماہ

سب راہرو ہیں واماندۂ راہ

کڑکا سکندر بجلی کی مانند

تجھ کو خبر ہے اے مرگِ ناگاہ

نادر نے لُوٹی دِلّی کی دولت

اک ضربِ شمشیر، افسانہ کوتاہ

افغان باقی، کُہسار باقی

اَلْحُکْمُ لِلّٰہ! اَلْمُلْکُ لِلّٰہ!

حاجت سے مجبور مردانِ آزاد

کرتی ہے حاجت شیروں کو رُوباہ

محرم خودی سے جس دم ہُوا فقر

تُو بھی شہنشاہ، مَیں بھی شہنشاہ!

قوموں کی تقدیر وہ مردِ درویش

جس نے نہ ڈھُونڈی سُلطاں کی درگاہ

kya charkh-e-kaj ro, kya mehr, kya mah

sab rahrau hain wamanda-e-rah

karka sikandar bijli ki manind

tujh ko khabar hai ai marg-e-nagah

nadir ne luti dilli ki daulat

ik zarb-e-shamshir, afsana kotah

afghan baqi, kohsar baqi

alhukmu lillah! almulku lillah!

hajat se majbur-e-mardan-e-azad

karti hai hajat sheron ko rubah

mahram khudi se jis dam hua faqr

tu bhi shahanshah, main bhi shahanshah!

qaumon ki taqdir wo mard-e-darwesh

jis ne na dhundi sultan ki dargah