کیا کچھ نہ کیا اور ہیں کیا کچھ نہیں کرتے

کیا کچھ نہ کیا اور ہیں کیا کچھ نہیں کرتے

کچھ کرتے ہیں ایسا بخدا کچھ نہیں کرتے

اپنے مرض غم کا حکیم اور کوئی ہے

ہم اور طبیبوں کی دوا کچھ نہیں کرتے

معلوم نہیں ہم سے حجاب ان کو ہے کیسا

اوروں سے تو وہ شرم و حیا کچھ نہیں کرتے

گو کرتے ہیں ظاہر کو صفا اہل کدورت

پر دل کو نہیں کرتے صفا کچھ نہیں کرتے

وہ دلبری اب تک مری کچھ کرتے ہیں لیکن

تاثیر ترے نالے دلا کچھ نہیں کرتے

دل ہم نے دیا تھا تجھے امید وفا پر

تم ہم سے نہیں کرتے وفا کچھ نہیں کرتے

کرتے ہیں وہ اس طرح ظفرؔ دل پہ جفائیں

ظاہر میں یہ جانو کہ جفا کچھ نہیں کرتے

kya kuchh na kiya aur hain kiya kuchh nahin karte

kuchh karte hain aisa bakhuda kuchh nahin karte

apne maraz-e-gham ka hakim aur koi hai

ham aur tabibon ki dawa kuchh nahin karte

maalum nahin ham se hijab un ko hai kaisa

auron se to wo sharm-o-haya kuchh nahin karte

go karte hain zahir ko safa ahl-e-kudurat

par dil ko nahin karte safa kuchh nahin karte

wo dilbari ab tak miri kuchh karte hain lekin

tasir tire nale dila kuchh nahin karte

dil ham ne diya tha tujhe ummid-e-wafa par

tum ham se nahin karte wafa kuchh nahin karte

karte hain wo is tarah zafar dil pe jafaen

zahir mein ye jano ke jafa kuchh nahin karte