کیا عشق ایک زندگیِ مستعار کا

کیا عشق ایک زندگیِ مستعار کا

کیا عشق پائدار سے ناپائدار کا

وہ عشق جس کی شمع بُجھا دے اجل کی پھُونک

اُس میں مزا نہیں تپش و انتظار کا

میری بساط کیا ہے، تب و تابِ یک نفَس

شُعلے سے بے محل ہے اُلجھنا شرار کا

کر پہلے مجھ کو زندگیِ جاوداں عطا

پھر ذوق و شوق دیکھ دلِ بے قرار کا

کانٹا وہ دے کہ جس کی کھٹک لازوال ہو

یا رب، وہ درد جس کی کسک لازوال ہو!

kya ishq ek zindagi-e-mustaar ka

kya ishq paidar se napaidar ka

wo ishq jis ki shama bujha de ajal ki phunk

us mein maza nahin tapish-o-intizar ka

meri bisat kya hai, tab-o-tab-e-yak nafas

shole se be mahal hai ulajhna sharar ka

kar pahle mujh ko zindagi-e-jawedan ata

phir zauq-o-shauq dekh dil-e-be qarar ka

kanta wo de ke jis ki khatak lazawal ho

ya rab, wo dard jis ki kasak lazawal ho!