کیا جانیے سید تھے حق آگاہ کہاں تک

کیا جانیے سید تھے حق آگاہ کہاں تک

سمجھے نہ کہ سیدھی ہے مری راہ کہاں تک

منطق بھی تو اک چیز ہے اے قبلہ و کعبہ

دے سکتی ہے کام آپ کی واللہ کہاں تک

افلاک تو اس عہد میں ثابت ہوئے معدوم

اب کیا کہوں جاتی ہے مری آہ کہاں تک

کچھ صنعت و حرفت پہ بھی لازم ہے توجہ

آخر یہ گورنمنٹ سے تنخواہ کہاں تک

مرنا بھی ضروری ہے خدا بھی ہے کوئی چیز

اے حرص کے بندو ہوس جاہ کہاں تک

تحسین کے لائق ترا ہر شعر ہے اکبرؔ

احباب کریں بزم میں اب واہ کہاں تک

kya janiye sayyad the haq agah kahan tak

samjhe na ke sidhi hai miri rah kahan tak

mantiq bhi to ik chiz hai ai qibla-o-kaaba

de sakti hai kam ap ki wallah kahan tak

aflak to is ahd mein sabit hue maadum

ab kya kahun jati hai miri ah kahan tak

kuchh sanat-o-hirfat pe bhi lazim hai tawajjoh

akhir ye gawarnmint se tankhwah kahan tak

marna bhi zaruri hai khuda bhi hai koi chiz

ai hirs ke bando hawas-e-jah kahan tak

tahsin ke laiq tira har sher hai akbar

ahbab karen bazm mein ab wah kahan tak