کیا غم نے سرایت بے نہایت

کیا غم نے سرایت بے نہایت

کروں کس سیں شکایت بے نہایت

ہمارے قتل پر مفتی نے غم کے

نکالا ہے روایت بے نہایت

تو اپنے غمزۂ خونیں کی ظالم

عبث مت کر حمایت بے نہایت

ترے رخ پر ہجوم خال و خط نئیں

کہ ہیں مصحف میں آیت بے نہایت

کیا ہے عشق کے ہادی نے مجھ کوں

محبت کی ہدایت بے نہایت

شکر لب نے نگاہ دلبری سیں

کیا مجھ پر عنایت بے نہایت

سراجؔ اب داستان شوق بس کر

کہ بے جا ہے حکایت بے نہایت

kiya gham ne sarayat be nihayat

karun kis sin shikayat be nihayat

hamare qatl par mufti ne gham ke

nikala hai riwayat be nihayat

tu apne ghamza-e-khunin ki zalim

abas mat kar himayat be nihayat

tire rukh pur hujum khal-o-khat nain

ke hain mushaf mein ayat be nihayat

kya hai ishq ke hadi ne mujh kun

mohabbat ki hidayat be nihayat

shakar lab ne nigah-e-dilbari sin

kiya mujh par inayat be nihayat

siraj ab dastan-e-shauq bas kar

ke be ja hai hikayat be nihayat