کیا ان کو دل کا حال سنانے سے فائدہ

کیا ان کو دل کا حال سنانے سے فائدہ

ہوگا تو ہوگا نوٹ دکھانے سے فائدہ

نوک مژہ جو دل میں چبھی دل پھڑک اٹھا

کچھ تو ہوا ہے ٹیکہ کرانے سے فائدہ

دل گم ہے اپنا چور کا لیکن پتہ نہیں

عاشق کو کیا پولیس کے تھانے سے فائدہ

معلوم ہے دکھاتے ہیں وہ ہم کو سبز باغ

لارنس باغ شام کو جانے سے فائدہ

اب بھی وہ کہہ رہے ہیں کہ میرے بزرگ ہو

کچھ بھی ہوا نہ شیو کرانے سے فائدہ

جو نیچے جیب کے ہے مری جاں اسے چرا

عاشق کا فاؤنٹین چرانے سے فائدہ

لق لقؔ زمانہ ہم سے اٹھاتا ہے فائدے

ہم نے بھی کچھ اٹھایا زمانے سے فائدہ

kya un ko dil ka hal sunane se faida

hoga to hoga not dikhane se faida

nok-e-mizha jo dil mein chubhi dil pharak utha

kuchh to hua hai tika karane se faida

dil gum hai apna chur ka lekin pata nahin

ashiq ko kya polis ke thane se faida

maalum hai dikhate hain wo ham ko sabz-e-bagh

larnas bagh sham ko jane se faida

ab bhi wo kah rahe hain ke mere buzurg ho

kuchh bhi hua na shew karane se faida

jo niche jeb ke hai miri jan use chura

ashiq ka faonten churane se faida

laq laq zamana ham se uthata hai faide

ham ne bhi kuchh uthaya zamane se faida