آب حیات جا کے کسو نے پیا تو کیا

آب حیات جا کے کسو نے پیا تو کیا

مانند خضر جگ میں اکیلا جیا تو کیا

شیریں لباں سیں سنگ دلوں کو اثر نہیں

فرہاد کام کوہ کنی کا کیا تو کیا

جلنا لگن میں شمع صفت سخت کام ہے

پروانہ جوں شتاب عبث جی دیا تو کیا

ناسور کی صفت ہے نہ ہوگا کبھو وہ بند

جراح زخم عشق کوں آ کر سیا تو کیا

محتاجگی سوں مجھ کوں نہیں ایک دم فراغ

حق نے جہاں میں نام کوں حاتمؔ کیا تو کیا

ab-e-hayat ja ke kisu ne piya to kya

manind-e-khizr jag mein akela jiya to kya

shirin luban sin sang dilon ko asar nahin

farhad kam koh kini ka kya to kiya

jalna lagan mein shama sifat sakht kam hai

parwana jun shitab abas ji diya to kya

nasur ki sifat hai na hoga kabhu wo band

jarrah zakhm-e-ishq kun a kar siya to kya

mohtajgi sun mujh kun nahin ek dam faragh

haq ne jahan mein nam kun hatim kya to kiya