کہتے ہیں یاں کہ ”مجھ سا کوئی مہ جبیں نہیں”

کہتے ہیں یاں کہ ”مجھ سا کوئی مہ جبیں نہیں”

پیارے جو ہم سے پوچھو تو یاں کیا کہیں نہیں

تجھ سا تو کوئی حسن میں یاں نازنیں نہیں

یوں نازنیں بہت ہیں یہ ناز آفریں نہیں

ساقی کو جام دینے میں اس خوش نگہ کو آہ

ہر دم اشارتیں ہیں کہ اس کے تئیں نہیں

جب اس نہیں کے کہنے سے مانے ہے وہ برا

آپھی پھر اس کو کہتا ہوں ہنس کر نہیں نہیں

اتنا تو چھیڑتا ہوں کہ کہتا ہے جب وہ شوخ

بندہ تو میرا مول خریدا نہیں نہیں

ساقی تجھے قسم ہے دیے جا مجھے تو جام

یاں دم میں دم ہے ہوتی نہیں جب نہیں نہیں

پوچھے ہے اس سے جب کوئی قتل نظیرؔ کو

کہتا ہے ہم نے مارا ہے ہاں ہاں نہیں نہیں

kahte hain yan ke "mujh sa koi mah jabin nahin"

pyare jo ham se puchho to yan kya kahen nahin

tujh sa to koi husn mein yan naznin nahin

yun naznin bahut hain ye naz afrin nahin

saqi ko jam dene mein is khush nigah ko ah

har dam isharaten hain ke us ke tain nahin

jab is nahin ke kahne se mane hai wo bura

aphi phir us ko kahta hun hans kar nahin nahin

itna to chherta hun ke kahta hai jab wo shokh

banda to mera mol kharida nahin nahin

saqi tujhe qasam hai diye ja mujhe to jam

yan dam mein dam hai hoti nahin jab nahin nahin

puchhe hai us se jab koi qatl-e-nazir ko

kahta hai ham ne mara hai han han nahin nahin