تری گالی مجھ دل کو پیاری لگے

تری گالی مجھ دل کو پیاری لگے

دعا میری تجھ من میں بھاری لگے

تدی قدر عاشق کی بوجھے سجن

کسی ساتھ اگر تجھ کوں یاری لگے

بھلا دیوے وو عیش و آرام سب

جسے زلف سیں بے قراری لگے

نہیں تجھ سا اور شوخ اے من ہرن

تری بات دل کو نیاری لگے

بھواں تیری شمشیر زلفاں کمند

پلک تیری جیسے کٹاری لگے

ہوئے سرو بازار دامن کا دیکھ

اگر گرد دامن کناری لگے

نہ جانوں تو ساقی تھا کس بزم کا

نین تیری مجھ کوں خماری لگے

وہی قدر فائزؔ کی جانے بہت

جسے عشق کا زخم کاری لگے

tiri gali mujh dil ko pyari lage

dua meri tujh man mein bhari lage

tadi qadr ashiq ki bujhe sajan

kisi sath agar tujh kun yari lage

bhala dewe wo aish-o-aram sab

jise zulf sin be qarari lage

nahin tujh sa aur shokh ai man hiran

tiri bat dil ko niari lage

bhuwan teri shamshir zulfan kamand

palak teri jaise katari lage

hue sarw bazar daman ka dekh

agar gard daman kinari lage

na janun to saqi tha kis bazm ka

nain teri mujh kun khumari lage

wahi qadr faiz ki jane bahut

jise ishq ka zakhm-e-kari lage