کہاں ہے گل بدن موہن پیارا

کہاں ہے گل بدن موہن پیارا

کہ جیوں بلبل ہے نالاں دل ہمارا

بساط عشق بازی میں مرا دل

متاع صبر و نقد و ہوش ہارا

تغافل ترک کر اے شوخ بے باک

تلطف کر نوازش کر مدارا

ہزارے کا نہیں ہے ذوق مجھ کوں

کیا ہوں جب سیں تجھ مکھ کا نظارا

سنا ہے جب سیں تیرے حسن کا شور

لیا زاہد نے مسجد کا کنارا

شب ہجرت میں اس مہتاب رو کی

ہر اک آنسو ہوا روشن ستارا

سراجؔ اس شمع رو نے ان دنوں میں

لیا ہے سب پتنگوں کا اجارا

kahan hai gul badan mohan pyara

ke jyun bulbul hai nalan dil hamara

bisat-e-ishq bazi mein mira dil

mata-e-sabr-o-naqd-o-hosh hara

taghaful tark kar ai shokh be bak

talattuf kar nawazish kar muddara

hazare ka nahin hai zauq mujh kun

kya hun jab sin tujh mukh ka nazara

suna hai jab sin tere husn ka shor

liya zahid ne masjid ka kinara

shab-e-hijrat mein is mahtab ro ki

har ik ansu hua raushan sitara

siraj is shama ro ne in dinon mein

liya hai sab patangon ka ijara